Manila zoo, posibleng gawing vaccination site para sa mga menor de edad at senior citizens

Spread the news on:

(Manila PIO)

Posibleng gamitin bilang vaccination site para sa mga menor de edad at edad 60 pataas ang Manila Zoo.

Ito ang pinag-aaralan ngayon ng pamahalaang lungsod ng Maynila, ayon kay Manila Mayor Isko Moreno Domagoso.

Aniya target ng Manila LGU ang bagong renovate na recreational park bilang karagdagang vaccine center sa susunod na mga linggo.

“In a matter of few hours, in a matter of day or two, 48 hours or 24 hours, makakakuha na kayo ng abiso sa ‘min,” ayon kay Domagoso .

“So we thought, dahil sa nagre-request na mga tao sa Manila Zoo, at least magkaroon sila ng sneak peek. At marami naman na ang mapapasyalan dito – open air, maaliwalas. Double purpose pa, maipapasyal nila ang kanilang apo o yung mga lolo at lola,” pahayag pa nito dahil sa kahilingan ng maraming tao.

Tiniyak din nito na masusunod pa rin ang alituntunin ng IATF kung saan lilimitahan lamang sa 500 o 1,000 katao kada araw ang papapasukin dito.

Ayon pa kay Domagoso, ang planong ito ayon aprubado na rin ng medical experts.

Ang hakbang ay matapos na makita ng pamahalaang lungsod ang pagdami ng mga indibidwal na gustong mabakunahan.

“Una, nakita natin yung response ng tao sa drive-thru 24/7 booster caravan sa Luneta. [Last night,] nagdagdag tayo ng additional two lanes. But still, lumalaki ang demand ng tao na nagpapa-booster. So, nakikita namin, adjust kami nang adjust at kung papaano namin mapagbubuti at magiging efficient ang booster vaccination at vaccination for kids,” dagdag pa ni Domagoso.

(Jocelyn Domenden)

Spread the news on: